F-16 ukrainas rrëzon aeroplanin rus SU-35

Ukraina sapo ka rrëzuar një aeroplan luftarak rus të tipit Su-35, i cili është një nga më të avancuarit që përdorin forcat ajrore ruse.

Ngjarja ka ndodhur mbi rajonin e Kurskut, një zonë që ndodhet në territorin rus, pranë kufirit me Ukrainën.

Sipas raporteve fillestare, rrëzimi i aeroplan është realizuar nga një aeroplan F-16 i forcave ajrore ukrainase, që mendohet të jetë pjesë e ndihmës ushtarake perëndimore për Kievin.

BREAKING:

Ukraine just shot down a Russian Su-35 air superiority fighter over the Kursk region.

According to initial reports, it was shot down by a Ukrainian F-16 jet. pic.twitter.com/Huq2KpY3rM

— Visegrád 24 (@visegrad24) June 7, 2025

Kjo është hera e parë që raportohet për përdorimin aktiv të F-16-ave nga Ukraina në një mision luftarak kundër caqeve ajrore ruse, çka përbën një zhvillim të rëndësishëm në përballjen ajrore midis dy vendeve.

Rrëzimi i Su-35 është një goditje serioze për forcat ajrore ruse, pasi ky model është ndër më të sofistikuarit dhe më të kushtueshmit në arsenalin e tyre, i pajisur me teknologji të avancuar për zbulim, manovrim dhe armë precize.

Lexo po ashtu Ukrainasit publikojnë pamje të reja të sulmit kundër bombarduesve rus

Kjo ngjarje mund të sinjalizojë një ndryshim në balancën e forcave në ajër dhe të ndikojë në dinamikën e luftës në vazhdim.

Autoritetet ukrainase ende nuk kanë dhënë një deklaratë zyrtare të detajuar, por ngjarja po tërheq vëmendje të madhe ndërkombëtare. /Telegrafi/