Asencio shkruan histori të zezë, kartoni i kuq ndaj Pachuca më i hershëm ndonjëherë

Real Madridi po përballet me skuadrën meksikane Pachuca në raundin e dytë të Kupës së Botës për Klube dhe mbylli pjesën e parë me epërsi 2-0, duke e shtuar në pjesën e dytë edhe për një gol.

Megjithatë, vëmendja u përqendrua te një moment i pazakontë dhe historik që ndodhi në minutën e 7-të të ndeshjes.

Gjyqtari Ramon Abatti akordoi një karton të kuq direkt për 22-vjeçarin Raul Asencio pas një ndërhyrjeje ndaj Salomon Rondon, i cili ishte në pozicion të qartë për gol.

Ky përjashtim është tashmë zyrtarisht më i hershmi në historinë e garave ndërkontinentale të klubeve – në të gjitha formatet që nga viti 1960.

Cuando los madridistas querían hacer creer que Raúl Asencio era el mejor central del mundo. 😭😭
pic.twitter.com/E3qx0r4WO2

— Joaconel. (@Joaconel) June 22, 2025

Rekordi i mëparshëm mbahej nga Matheus Pereira i Al-Hilal, i cili u ndëshkua me karton të kuq në minutën e 14-të gjatë ndeshjes për vendin e tretë në edicionin e vitit 2022.

Ky rast shënon gjithashtu herën e parë që nga janari i vitit 2021 që një lojtar i Real Madridit përjeton një përjashtim kaq të hershëm në një ndeshje. Atëherë, ishte Eder Militao ai që u ndëshkua me të kuq në minutën e 9-të kundër Levantes në La Liga. /Telegrafi/