Kosova ka treguar karakter dhe ka përmbysur Armeninë në një miqësore emocionuese në “Fadil Vokrri”. Pjesa e parë përfundoi 2-1 për Armeninë, por Kosova u rikthye fuqishëm në pjesën e dytë dhe e fitoi ndeshjen me rezultat 5-2.
Armenia e kaloi e para në epërsi në minutën e 8-të, kur portieri Amir Saipi e devijoi topin në rrjetën e vet pas një goditjeje nga Nair Tiknizyan.
Kosova reagoi me vendosmëri dhe Ermal Krasniqi goditi shtyllën pak minuta më pas.
Përpjekjet e Kosovës u shpërblyen në minutën e 23-të, kur Lumbardh Dellova lëshoi një goditje spektakolare nga 30 metra, duke barazuar rezultatin.
🚀 ROCKET FROM LUMBARDH DELLOVA! 😍
pic.twitter.com/SF6XxFnKan— Kosovo Football 🇽🇰 (@KosovarFootball) June 6, 2025
Armenia kaloi sërish në avantazh në minutën e 29-të, me një goditje të bukur dënimi të Eduard Spertsyan.
Kosova nuk u dorëzua dhe goditi sërish shtyllën në minutën e 38-të me Leart Paqaradën. Portieri i Armenisë, Armend Henri Avagyan, bëri disa pritje vendimtare, duke mbajtur rezultatin 2-1 deri në fund të pjesës së parë.
Në pjesën e dytë, Kosova u fut fuqishëm në lojë dhe kërkoi barazimin që në fillim.
Ky erdhi në minutën e 60-të, kur Baton Zabërxha fitoi një penallti pas një depërtimi të shpejtë. Mërgim Vojvoda realizoi nga pika e bardhë, duke barazuar në 2-2.
Mërgim Vojvoda perfect from the spot! 🎯 #KOSARM
pic.twitter.com/E7Ezb1deB8— Kosovo Football 🇽🇰 (@KosovarFootball) June 6, 2025
Pas këtij goli, Kosova vazhdoi të dominojë dhe mori avantazhin në minutën e 71-të. Lindon Emërllahu shënoi për 3-2 pas një topi të kthyer brenda zonës.
Lindon Emerllahu puts Kosovo in the lead! 😍
🇽🇰3-2🇦🇲#KOSARM
pic.twitter.com/z8WdC8eGoE— Kosovo Football 🇽🇰 (@KosovarFootball) June 6, 2025
Skuadra e Franco Fodës vazhdoi të rrezikonte portën armene: Florian Haxha pati një mundësi të artë për golin e katërt, por nuk e mposhti dot portierin Avagyan. Në aksionin pasues, Albion Rrahmani goditi shtyllën.
Por Rrahmani nuk u ndal dhe pak minuta më vonë, arriti të realizojë golin e katërt për Kosovën, duke vulosur rezultatin përfundimtar 4-2.
89′ | Albion Rrahmani make it look easy 🥶
🇽🇰4-2🇦🇲#KOSARM
pic.twitter.com/JDI9cQEh3W— Kosovo Football 🇽🇰 (@KosovarFootball) June 6, 2025
Në minutat e fundit, Kosova e kontrolloi lojën dhe me Albion Rrahmani që shënoi sërish pas një pasim të bukur dhe me një goditje të saktë brenda zonës, shënoi golin e pestë për Kosovën dhe duke vulosur fitoren bindëse 5-2.
Albion Rrahmani gets a brace to end the match 👊
🇽🇰5-2🇦🇲#KOSARM
pic.twitter.com/zbkA7t0kMb— Kosovo Football 🇽🇰 (@KosovarFootball) June 6, 2025
Miqësorja ndaj Armenisë ishte një provë e rëndësishme për Kosovën, e cila tregoi forcë karakteri dhe një lojë të bukur sulmuese. /Telegrafi/